बुरा मत देखो....
बुरा मत देखो, बुरा मत कहो, बुरा मत सुनो हे आपण सगळेच जाणतो. सहजच वाटलंकी
बुरा मत देखो
बुरा मत देखो म्हहणजे फक्त बाह्य दृष्टी नव्हे तर तर जे पाहतो ते आत जाऊ न देणे व त्याचा मनबुध्यादिकांवर परिणाम होऊ न देणे, अर्थातच त्यांना तंदुरुस्त ठेवणे. आपण टिव्हीवर एखादे दृश्य पाहतो किंवा एखादी हॉरर फिल्म पाहतो, त्याचा वाईट परिणाम आत जाऊ न देणे. ते पडद्यावरचे दृश्य समजून विसरणे! अगदी तसेच मन:पटलावर
कोरलेले सिनेमे (अनुभव) पण खोटेच आहेत हे जाणले पाहिजे.
बुरा मत कहो
बुरा मत कहो म्हणजेच आपल्या मुखाने वाईट बोलू नये इतकेच सीमित नसून आतमध्ये जर नको असलेली विचारधारा उठली तर तिला झटकुन टाकता आले पाहिजे.
बुरा मत सुनो
बुरा मत सुनो लाही हे लागू होते. वाईट शब्द ऐकून आपल्या आत खोल गड़बड़ होता कामा नये. मागील लेखातील 'बंद दरवाजा खोल रे' मध्ये अपेक्षित दरवाजा असाच आहे नाही का? आपल्या अंत:करणाला यापासुन लांब ठेवतो व गुरुमुखाने श्रवण होताना मात्र उघडा होऊन सर्व काही ग्रहण करतो. दरवाजा आपणच निर्माण केला आहे नाही का?
यावर तुमचे वेगळे मत असु शकते. पण ते काय आहे हे आम्हाला कळु द्या. आपल्या प्रतिक्रिया जरूर post करा.
